Raða eftir
Kalix er karlmannsnafn, líklega af gríska kalyx „bikar, blómbikar“; einnig þekkt sem sænskt staðarheiti.
Kaleo er hawaiískt karlmannsnafn, myndað af „ka“ („hinn“) og „leo“ („rödd, hljóð“), og merkir „röddin“.
Kareem er arabískt karlmannsnafn af rótinni „karīm“ sem merkir „örlátur“ eða „göfugur“.
Kjartann er hliðarmynd af nafninu Kjartan, sem er af írska Muirchertach og merkir „sæstjóri, sjófari“.
Kaspían er karlmannsnafn tengt Kaspíahafi og sögupersónunni Kaspían í Narníu-bókunum; borgar- og hafsheiti að uppruna.
Klaki er íslenskt karlmannsnafn af orðinu klaki sem merkir „frosin jörð, gaddur, íslag á jörðu“.
Nafnið er sennilega sett saman úr nafnorðinu „kleif“ sem merkir brött brekka, hæð eða fjallaskarð, og viðskeytinu „-ar“.
Nafnið er komið úr latínu „Constantīnus“ sem merkir „hinn staðfasti“, af lýsingarorðinu „cōnstāns“ er merkir „stöðugur, staðfastur“. Nafnið hefur tíðkast í Danmörku síðan á 12. öld og í Svíþjóð frá því á 14. öld. Ensk mynd nafnsins er „Constantine“, þýsk „Konstantin“.
Nafnið er vel þekkt frá þessari öld á Norðurlöndum, á Englandi og í Þýskalandi. Upphaflega var það eingöngu karlmannsnafn en er nú einnig erlendis notað sem kvenmannsnafn og er þá enskt stuttnefni af „Kimberley“. Söguhetja Rudyards Kiplings í skáldsögunni „Kim“ bar nafnið sem styttingu á „Kimball“ og er það talið hafa ýtt undir notkun styttingarinnar. Nafnið er einnig notað sem stytting á „Jóakim“.
Uppruni nafnsins er óviss en talið er að það kunni að vera dregið af nafni bandaríska tónlistarmannsins „Kara Baldi“.
Kenny er upphaflega skoskt gælunafn þeirra sem heita „Kenneth“.
Að baki nafninu liggur nafnorðið „kappi“ sem merkir hetja, garpur, hraustmenni.
Erlent nafn, aðallega notað í hinum enskumælandi heimi. Merking er óviss.
Nafn þetta er samsett af nafninu "Kristófer sem merkir sá sem ber krist og viðliðnum "bert" sem merkir bjartur, - skínandi.
Samkvæmt 4. kafla Fyrstu Mósebókar voru Kaín og Abel synir Adams og Evu, og var Kaín sá eldri.
Kain er af hebreska nafninu Qajin sem merkir líklega „aflað, eignast“, af sögninni qana „að afla, eignast“.
Að baki nafninu liggur nafnorðið „klettur“ sem merkir bjarg eða steindrangur.
Keli er algengt gælunafn manna sem bera nafn sem endar á „-kell“, eins og Áskell og Þorkell.
Nafnið er sama orð og „krákur“ sem merkir hrafn. Það þekkist úr fornbókmenntunum frá 12. öld og úr fornbréfum fram á 16. öld. Einnig eru heimildir um nafnið „Krak“ í Danmörku frá 14. öld.
Algengt gælunafn karla sem heita nöfnum sem hefjast á „Krist-“, til dæmis „Kristján“ eða „Kristmundur“.
Hugsanlega gælunafn en að baki liggur gæluorð um kálf.
Hugsanlega er upphaflega um gælunafn að ræða. Að baki liggur nafnorðið „kubbur“ sem merkir bútur af einhverju, eitthvað teningslaga, eða stuttur og gildur maður.
Nafnið getur bæði verið stytting á „Kristofer“ og „Kristian“. Myndin „Christo“ er talsvert notuð á Spáni.
Nafnið er ritmynd af „Kamillus“, sem notað var í Danmörku á 19. öld og í Þýskalandi sem „Camillo“ eða „Camillus“, komið úr ítölsku og latínu „camillus“ sem merkir „eðalborinn drengur sem aðstoðar við fórnarathafnir“. Trúlega er nafnið upphaflega tökunafn hér úr dönsku eða þýsku en gæti einnig í einhverjum tilvikum verið dregið af kvenmannsnafninu „Camilla“/„Kamilla“, með latneska viðskeytinu „-us“. Nafnið er vel þekkt á Spáni og Ítalíu, ýmist skrifað „Camilo“, „Camillo“ eða „Camilus“, og sækir vinsældir sínar til heilags Camilusar frá Lellis á Ítalíu, rómversk-kaþólsks prests sem stofnaði sérstaka reglu er sinnti veiku fólki.
Uppruni nafnsins er óviss en hugsanlega er um upphaflegt gælunafn að ræða, til dæmis af nafninu „Kornelíus“.
Nafnið getur haft tvenns konar uppruna. Annars vegar á það rætur að rekja til orðsins „kirana“ sem merkir „sólargeisli; ryk“ í sanskrít, en hins vegar til írska nafnsins „Ciaran“ sem merkir „dimmur“. Það er vinsælt til dæmis í Englandi og Wales.
Karma er komið af sanskrítorðinu „karma“ sem merkir „verk, gjörð, örlög“. Hugtakið er þekkt úr búddisma og hindúisma um orsök og afleiðingu gjörða.
Nafnið er arabískt að uppruna og dregið af orðinu „keenan“ sem merkir blæja, hula, slæða.
Kórekur kemur fyrir sem mannsnafn í Gunnars þætti Þiðrandabana, og „kórekur“ er viðurnefni Þorbjörns kóreks í Fljótsdæla sögu. Hugsanlega er viðurnefnið eldra í merkingunni „nautahirðir“.
Nafnið er sótt til norrænnar goðafræði. Kvasir var af goða- og Vanaættum, mjög vitur og ferðaðist víða. Í einni sögn þáði hann heimboð dverga sem drápu hann, létu blóð hans renna í ketil og bættu við hunangi, en úr því varð skáldamjöðurinn. Uppruni nafnsins er þó umdeildur og óljós.
Nafnið er erlent að uppruna og þekkist í Danmörku frá 14. öld, í Noregi frá því eftir siðskipti og í Svíþjóð frá 19. öld. Uppruni er umdeildur: sumir telja það frísneskt með óvissa merkingu, hugsanlega „hæna“, aðrir segja það keltneskt afbrigði af latneska nafninu „Caius“ eða „Gaius“, en enn aðrir telja það þýska styttingu á „Kaganher“.
Nafnið hefur tvenns konar uppruna. Annars vegar er það arabískt og merkir „fullkomnun“ og hins vegar indverskt og merkir „lótusblóm; ljósrauður“ á sanskrít. Þá er það einnig stytting á nafninu Kamala sem bæði er notað á karla og konur.
Krishna er komið af sanskrítorðinu „kṛṣṇa“ sem merkir „svartur“ eða „dökkur“. Það er nafn dáðs guðs í hindúisma.
Nafnið kemur fyrir í Þorsteins sögu hvíta þar sem segir frá Kraka á Krakalæk. Uppruni er óviss en ef til vill er nafnið hliðarmynd við „Krákur“, enda sami maður skráður í heimildum á báða vegu.
Að baki liggur fuglsheitið „kjói“ sem er talið vera hljóðgervingur og myndað eftir garghljóði fuglsins.
Nafnið kemur fyrir í Landnámu og hefur trúlega verið notað sem viðurnefni í fyrstu. Það er sama orð og „kali“ sem merkir kuldagjóstur. Það var einnig notað í fornsænsku.
Nafnmyndin ber með sér að vera gælunafn, til dæmis manns sem heitir „Konráð“.
Nafnið þekkist á Norðurlöndum sem „Kaspar“ og „Kasper“ frá 15. öld og tíðkast einnig á Englandi sem „Caspar“ og í Þýskalandi sem „Kaspar“. Samkvæmt miðaldaheimildum hét einn vitringanna frá Austurlöndum, sem færðu Jesúbarninu gjafir, „Kasper“. Nafnið er talið af persneskum uppruna og merkja upphaflega „féhirðir“. Nafnið „Jesper“ er norræn mynd af þýska nafninu „Jaspar“ sem aftur er hliðarmynd af „Kasper“.
Kastíel er nútíma englanafn, líklega afbrigði af Cassiel úr fornum galdrabókum. Merking þess er óviss og það varð þekkt úr sjónvarpsþáttum á 21. öld.
„Kjárr“ eða „Kíarr“ er konungsheiti í Sæmundar-Eddu. Uppruni er ekki ljós, en nafnið er ef til vill komið úr fornírsku „cíar“ sem merkir brúnn, eða er ummyndun úr „Caesar“.
Enska myndin af nafninu „Kristófer“, sem þekkist á Norðurlöndum frá 12. öld og er komið úr grísku „Christóphoros“ og merkir eiginlega „sá sem ber Krist“. Þýska myndin er „Christoffer“.
Nafnið er arabískt, eitt af 99 nöfnum Allah, og merkir „göfuglyndur, örlátur“.
Nafnið kemur fyrir í Landnámu sem heiti á konungi í Dyflinni og lifir einnig í bæjarnafninu „Kjarvalsstaðir“. Jóhannes Sveinsson listmálari tók sér nafnið „Kjarval“ og hefur það síðan verið notað sem ættarnafn af afkomendum hans. „Kjarvalur“, „Kjarval“ er írskt nafn, sbr. fornírsku „Cerbal“ eða „Cerbhal“ sem er konungsnafn. Uppruni og merking eru óljós en e.t.v. er nafnið skylt kymbrísku „carw“ og latínu „cervus“ sem merkir hjörtur.
Nafnið er ein af nafnmyndum „Kristján“ og er komið úr latínu „christiānus“ sem merkir kristinn, sbr. latínu „Christus“ og grísku „Khristós“ sem merkir hinn smurði. Nafnið er alþekkt í ýmsum myndum á Norðurlöndum og í ensku- og þýskumælandi löndum frá fornu fari.
Nafnið þekkist í Noregi sem „Kjeran“ og „Kjerand“. Elsta mynd þess er „Hjarrandi“ sem var Óðinsheiti, en dæmi eru um eiginnafnið á Íslandi á 10. öld og í Noregi á 11. öld. Eftir 1300 var „Hjarrand(r)“ algengt nafn í Noregi og breyttist sú mynd síðan í „Kjeran(d)“ og sums staðar í „Tjerand“, „Tjærand“ og „Jarand“. Nafnið er hugsanlega skylt fornháþýska nafninu „Herrant“ og fornenska nafninu „Heorenda“, en fyrri liður er þá sama orð og „her“ og síðari liður „rönd“ í merkingunni „skjöldur“.
Að baki liggur líklega stytting á „Chris“, sem er stytt mynd nafnsins „Christopher“, er samsvarar íslenska nafninu „Kristófer“.
Nafnið var tekið upp sem kenningarnafn á þriðja áratug 20. aldar af rithöfundinum Halldóri Laxness. Það er gelískt, „Cillian“, upphaflega viðurnefni myndað með smækkunarendingu af gelísku „ceallach“ 'barátta' eða leitt af gelísku „ceall“ 'klaustur, kirkja'. Ýmsir írskir dýrlingar hafa borið þetta nafn. Ensk mynd nafnsins er „Killian“, „Cillian“ og „Kilian“.
Kenneth er enskuð mynd af skosk-gelísku nöfnunum Coinneach og Cináed. Það var borið af Kenneth mac Alpin, fyrsta konungi sameinaðra Skota og Pikta á 9. öld.
Kilian er afbrigði af nafninu Killian (Cillian), írsku nafni. Merking írsku rótarinnar er óviss, en stundum tengd orðinu „ceall“ („kirkja“).
Konstantínos er grísk mynd af nafninu Konstantín (Constantinus), af latneska constans sem merkir „stöðugur, staðfastur“.
Þekktist til forna sem viðurnefni Þórðar kakala Sighvatssonar í Sturlunga sögu. Hefur verið tengt sögn sem merkir að „gagga“.
Nafnið þekkist til forna sem viðurnefni þræls Hákonar jarls samkvæmt Heimskringlu, en „Þormóður karkur“ er einnig nefndur þar. Uppruni er ekki ljós en orðið gæti verið skylt nýnorska orðinu „kark“ sem merkir þykkur og hnúðóttur trjábörkur, og vísar þá til húðar þeirra sem báru nafnið til forna.
Nafnið kemur fyrir í Egils sögu en svo hét afi Egils Skallagrímssonar. Af sögunni má ráða að karlinn hafi verið kvöldsvæfur og skapstyggur ef hann fékk ekki svefnfrið. Það er sett saman af nafnorðinu „kveld“ sem merkir kvöld, og viðliðnum „-úlfur“, sbr. „Úlfur“.
Nafn þetta er samsett af forliðnum "Krist" sem er komið af gríska orðinu "Khristós" sem merkir hinn smurði, - kristur og viðliðnum "þór" sem merkir þrumuguðinn úr norrænni goðafræði.
Nafn þetta er samsett af forliðnum "Krist" sem er komið af gríska orðinu "Khristós" sem merkir hinn smurði, - kristur og viðliðnum "vin" sem merkir vinur.
Nafn þetta er samsett af forliðnum "Krist" sem er komið af gríska orðinu "Khristós" sem merkir hinn smurði, - kristur og viðliðnum "varður" sem merkir vörður, - vakir yfir.
Nafn þetta er samsett af forliðnum "Krist" sem er komið af gríska orðinu "Khristós" sem merkir hinn smurði, - kristur og viðliðnum "valdur" sem merkir hefur vald á, - ræður yfir.
Þetta pláss er laust. Náðu til foreldra og verðandi foreldra á Íslandi með markvissri auglýsingu hér.
Hafðu samband um auglýsingapláss →